Hukumar Tsaron Farin Kaya (DSS) Ta Kama Shugaban Ƙungiyar Ƙwadago (NLC).

Jami’an hukumar tsaron farin kaya ta DSS sun kama shugaban kungiyar kwadago ta Najeriya (NLC), Joe Ajaero.

Jaridar PUNCH ta rawaito cewa an kama Ajaero ne da safiyar yau Litinin a filin jirgin sama na Nnamdi Azikwe dake Abuja.

Ajaero na kan hanyar sa ta zuwa ƙasar Ingila domin gudanar da wani aiki a hukumance.

An bukaci shugaban NLC ya halarci taron Ƙungiyoyin Ƙwadago da za a yi a Landan, wanda za’a fara yau.