PCC: Honarabul Yusif Adamu Ya Zama Kwamishinan Hukumar A Karo Na Biyu

Daga Muhammad Yusif Dambo,Abuja. 

Da yammacin jiya laraba aka sake rantsar da Honarabul Yusuf Adamu, a matsayin kwamishinan hukumar sauraron koken al’umma ta kasa, wato public complain commission (PCC).

Yusuf Adamu, ya sha rantsuwar kama aiki a matsayin kwamishinan hukumar dake wakiltan jihar Borno, a karo na biyu.

Harma ya bada tabbacin yin amfani da gogewar sa wajen ganin kwalliya ta biya kuɗin sabulu, dangane da nauyin da ya rataya a wuyansa.

Kafin zaman sa Kwamishina a hukumar, Honarabul Yusif Adamu ya kasance mai bawa Mataimakin Shugaban ƙasa Kashim Shettima shawara a fannin Siyasa, lokacin da yana Gwamnan Jihar su ta Borno.

Duk da cewa an takaita mahalarta bikin rantsuwar, wanda ya gudana a Majalisar dokokin Najeriya, kaɗan daga cikin ‘yan Uwa da abokanin arziƙi ne suka samu damar halartar Ƙwarya-ƙwaryar bikin.